// Comfort zone可唔可以,係指一段時間?  // Comfort zone可唔可以,係指一段時間?  // Comfort zone可唔可以,係指一段時間?  // Comfort zone可唔可以,係指一段時間?  // Comfort zone可唔可以,係指一段時間?  // Comfort zone可唔可以,係指一段時間?  // Comfort zone可唔可以,係指一段時間?  // Comfort zone可唔可以,係指一段時間?  // Comfort zone可唔可以,係指一段時間?  // Comfort zone可唔可以,係指一段時間? 
故事
32
Comfort zone可唔可以,係指一段時間? 

我想潛入去望海嘅世界。跟住啲波浪不斷浮下浮下,一定好舒服。但其實我驚、我唔識游水。前排同fd去泰國有報浮潛,着晒救生衣、戴哂鏡我都係唔得。一落水就淆底,捉住架船唔肯放手,因為覺得自己會反,面朝下嗰隻,之後就會起唔返身。我喺海入面就好似跛咗咁,個身勁僵硬,完全郁唔到。

現實無想像咁美好--你想做啲嘢,但你未必有勇氣做。

我只係個好平凡嘅人,成日都會因為現實不如期望而好傷心。朋友叫我唔好咁易去相信,但雙方又不厭其煩地不斷重複:我做、朋友話我。事源我會盡量去相信,覺得啲嘢可以好簡單好純粹,唔係一定要賦予一個意義。

例如海,有種自然、治癒嘅魅力,本身就係一樣好靚嘅嘢嚟,無人會唔鐘意……又例如讀書嘅日子。比起而家嘅生活,中學太美好喇。嗰陣就係讀書、做功課、放學就玩,跟住又考下試,無咩煩。而家講到夢想幾偉大幾偉大、我要點樣點樣做到……我驚到最後,其實一切都係零。可以話係我唔想咁快進入社會、逃避緊現實。

我接受咁樣死捉住架船、又半個身浸住海水嘅自己,大家都仲喺成長過程入面。希望自己可以慢慢成為自己鐘意嗰種人--可以喺自己嘅專業範疇入面成為一個幾叻嘅人;可以放膽啲、自信啲;可以,理性多啲,處事成熟少少。

尤其係,我都21。

.

Text: Sisco

Design: Holly

你都有故事想講?

隨時上 bit.ly/mystoryme 留名  👌🏻

返回
呼吸吓
Breathe, almost there