我嘅開心唔開心，好似四季咁，不斷重覆。我從來唔覺得唔開心嘅事係一種loss，反而係一個lesson，令我更加認識自己。

就好似拍拖咁，開始嘅時候係春天，經過熱戀嘅盛夏，進入忽冷忽熱嘅秋天。當時我喺英國exchange，對方嘅愛理不理搞到我好唔開心，身邊又冇朋友同親人。結果，我連周圍去旅行嘅心情都冇，成日匿埋喺宿舍日喊夜喊。

最後我決定，提出分手，唔想再俾對方控制自己嘅情緒。我想我嘅開心同唔開心係取決於自己。呢個階段就好似殘酷嘅冬天，我唔開心到要見輔導員同食安眠藥。

冬天過後，春天再次降臨，呢個季節冇其他人，只有我自己努力再重建返崩塌咗嘅世界。

我好清楚行入冬天會有幾失落，但我唔想為咗逃避唔開心，而放棄後來嘅春夏。就算幾傷心都好，冬天嘅枯葉會成為春日大地嘅養份；以前好憎嘅前度，今日變成我嘅知心朋友。

當日選擇嘅冬天，成就咗我今日嘅夏天。

.

Text: Wai

Design: Charlie and Holly

你都有故事想講？

隨時上 bit.ly/mystoryme 留名  👌🏻