1
原來我...

想每個人心口掛返個勇字,做自己覺得有意義嘅嘢。

成日聽到人叫我哋「做自己」,但好多壓力、限制殺到埋身,可能因為怕醜、怕事、怕衝出黎,最後我哋唔敢承認呢啲全部都係自己。

《原來我》個mission ……就係用我地嘅製作同你一齊抌低啲包袱,儲返啲力去搵多啲可能性,再好似重組句子咁砌返出自己嘅生命意義。 

我哋堅信三樣嘢
1
我要authentic

👆我係可以變嘅

✌️我唔照單全收。收到評語,即使係嚟自自己嘅,都要認真反思

👌我堅持自己嘅怪,如果每個怪人都堅持,全體先會變強變堅韌

2
搵可能性

👷離開山窿,同外面學習、連結

🙋不斷問,不斷破自己個格

🤹盡情玩、盡情試、盡情想像

3
過程先係目的

🌊過程重要過結果(重要嘢講多次)

🌦️唔使咁快定義成功定失敗,因為你唔知

🔭蘊釀永遠需時

2
深情嘢

聽聞,人類最大嘅美滿,係「相信」憑自己,可以「得到」渴望嘅嘢。

處於人生各項嘅賽事中,我哋會好努力嘗試去「得到」,慢慢就理所當然地覺得重點係「得到」,奈何人生不如意事十常八九,不知不覺中,「相信」 枯萎、凋謝。

《原來我》 就係由講創意開始,希望將呢種「相信」帶返俾呢個城市。籍著各種實驗式嘅嘗試,衝擊各人各種嘅自限,進行未必有人明嘅修練,就係希望我哋可以一齊尋覓,令人喺情感同理智縫隙入面搵返一絲類似歡樂、好奇、甚或勇氣嘅感覺,嗰個可能就係能動力嘅泉源。然後直到每個人都經歷到與身俱來嘅創意個時,呢個城市就可以變得充滿能動力。

深深了解、相信自己,頂得住身邊閒言閒語,堅持自己想法同行動,我哋一定可以行出一條自己嘅路。

不論出身,不論身份,我哋有共同語言。相信窮一生嘅氣力,就係想搵到 原 來 我 係邊個。

3
團隊

感激每一個同行嘅隊友。