呢排成日頭痛同心情都好差，有時會諗：「唉，我有咩可以做？」

上個禮拜返到公司覺得好沉重、好唔開心，見到啲同事有講有笑，就會覺得：「喂，點解你哋唔一齊sad呀？」當時俾自己嘅情緒籠罩住，個人有啲焦慮同絕望。

最後我俾咗個晏晝自己整理思緒，喺張紙上面寫晒當下所有情緒出嚟，清理吓腦入面未成形而又出緊嚟嘅感受。整頓好後，姐係俾自己啲嬲同難過釋放晒後，頭腦重新運作返，先發現原來唔係同事唔關注、唔擔心件事，而係佢哋已經restart咗自己，所以可以笑返。我唔係講緊哈哈笑嗰種，而係指有返行動力，restart咗可以再繼續行落去嘅心情。

當我不停去做，唔理自己身體同心理，以為對緊件事好嘅時候，其實唔會做到100%投入，因為我可能會俾情緒拖慢咗。所以，唔係叫你停，係如果你要繼續，就要restart咗自己部機先。

.

Test and Design: Holly

你都有故事想講？

你都有故事想講？隨時上 bit.ly/mystoryme 留名 👌🏻