呼吸吓
Breathe, almost there
「你做咩傳俾佢呀？！」隊友大叫，喺到怪傳波俾我嗰個人……
中五嗰年打緊一個學界籃球決賽，去到最後十幾秒，雙方比數勁近，但我哋呢隊落後少少。嗰個時候，隊友傳波俾我，如果我入波就可以反敗為勝。但就喺個波離手嗰一剎那，我知道奶嘢了 —— 我射咗個air ball。
嗰個moment我雙手出咗好多汗，幾秒後O咗咀，亦開始見到隊友抱頭，甚至有啲d*u咗出聲，然後比賽完咗，我哋輸咗場波。之後大家入返更衣室，一齊嚎哭，好難想像成班麻甩喺到喊。
完咗決賽後個禮拜，我冇掂過籃球，唔想望佢、唔想諗佢。就好似同朋友嗌交咁，頭幾日都唔想睬佢，但慢慢又會心郁郁撩返佢講嘢。到真係下咗啖氣，就會諗係咪自己都有唔啱。
一開始由視而不見個波，到出去同隊友食飯講返場比賽，然後再諗自己係咪平時太懶，到最後繼續上路，繼續練波。先逃避，後面對，呢啲都叫熱血。
.
Text and Design: Holly
你都有故事想講？
